IWF-in rəsmi saytı Məhəmməd Caludun Bakı səfəri haqda yazı hazırlayıb
Baş nazir Əli Əsədov Beynəlxalq Ağırlıqqaldırma Federasiyasının prezidenti ilə görüşüb
MOK-da Beynəlxalq Ağırlıqqaldırma Federasiyasının prezidenti Məhəmməd Caludla görüş olub
IWF prezidenti Bakıda ağırlıqqaldırma infrastrukturu ilə tanış olub
Azərbaycan Ağırlıqqaldırma Federasiyasının (AAF) dəvəti ilə Bakıya gələn Beynəlxalq Ağırlıqqaldırma Federasiyasının (IWF) prezidenti Məhəmməd Caludun ölkəmizə səfəri davam edir. O, may ayının 12-də AAF prezidenti Kamran Nəbizadə və vitse-prezident Firdovsi Umudovla birlikdə ASK Arenaya baş çəkib. Məhəmməd Calud burada əvvəlcə ağırlıqqaldırma üzrə yığma komandaların dayaq bazasında yaradılan şəraitlə tanış olub. Zala gələrək yığma komandanın məşqini izləyən IWF prezidenti, gördüklərindən razılığını bildirib, idmançı və məşqçi heyətinə gələcək yarışlarda uğurlar diləyib. O, yeniyetmə və azərbaycanlı gənc idmançılar arasında potensiallı atletləri gördüyünü və onların böyük qələbələrinə şahidlik edəcəklərinə əminliyini bildirib. Səmimi keçən söhbət zamanı ağırlıqqaldıranlar da ona təşəkkür edib, bu görüşün onlara böyük mənəvi dəstək olacağını qeyd ediblər. Sonda xatirə şəkli çəkdirilib.
Daha sonra Məhəmməd Calud ASK Arenada yerləşən mehmanxana və orada idmançı və məşqçi heyətinin qalması, eyni zamanda tədris şəraitini gözdən keçirib. Ona məlumat verilib ki, burada təlim-məşq toplanışı, müxtəlif mütəxəssislər üçün kurslar və seminarlar təşkili üçün lazımi imkanlar yaradılıb. Qidalanma, istirahət, bərpa üçün bütün şərait qurulub, fəal istifadə edilir. Nəinki Avropa, hətta dünyada belə çox az sayda ölkədə ağırlıqqaldırma üçün bu cür şəraitin yaradıldığını deyən IWF prezidenti, bu məkanın beynəlxalq elmi-tədris fəaliyyətlərinin həyata keçirilməsi üçün ideal məkan olduğunu qeyd edib.
Məhəmməd Calud Şüvəlan qəsəbəsində yerləşən Ağırlıqqaldırma Mərkəzində də olub. Burada da ona yarış və məşq zalları, dərs, təlim, istirahət və yataq otaqları göstərilib, idman qurğusunun bütün imkanları barədə geniş məlumat verilib. Qonağa bildirilib ki, burada mütəmadi olaraq ölkədaxili yarışlar təşkil olunur, yığma komandalar təlim-məşq toplanışları üçün məhz buranı seçirlər. Məhəmməd Calud bildirib ki, Azərbaycan ağırlıqqaldırmasının böyük gələcəyi var və məhz bu cür zallar, buradakı şərait buna xüsusi müsbət təkan verə biləcək. IWF prezidenti AAF-ın ölkəmizdə böyük ənənəsi olan bu idman növünə doğru münasibətin, qurduqları doğru strategiyanın həqiqətən alqışlanası səviyyədə olduğunu və uğurların özünü gözlətməyəcəyinə inamını ifadə edib.
Kamran Nəbizadə IWF prezidenti ilə görüşüb
Azərbaycan Ağırlıqqaldırma Federasiyasının (AAF) prezidenti Kamran Nəbizadə Beynəlxalq Ağırlıqqaldırma Federasiyasının (IWF) prezidenti Məhəmməd Caludla görüşüb. Söhbət zamanı qurumlar arasında münasibətlərin, dostluq, əməkdaşlıq və tərəfdaşlıq əlaqələrinin möhkəmləndirilməsi müzakirə edilib, gələcəyə ümidlə baxıldığı ifadə edilib. Qeyd olunub ki, son zamanlar AAF tərəfindən aparılan işlər ağırlıqqaldırmanın həm Azərbaycanda, həm də beynəlxalq arenada inkişafına öz müsbət töhfəsini verməkdədir. AAF-ın vitse-prezidenti Firdovsi Umudov bu idman növünün tərəqqisi istiqamətində beynəlxalq təcrübənin öyrənilərək tətbiqinin vacibliyini vurğulayıb, müvafiq addımların atılmasının zəruruliyini bildirib.
AAF rəhbərliyinin dəvəti ilə təşkil olunan səfər zamanı Məhəmməd Caludun Azərbaycanda ağırlıqqaldırma infrastrukturu – ağırlıqqaldırma üzrə Azərbaycan yığma komandalarının məşq bazaları, orada yaradılan şəraitlə, həmçinin yarış və digər ağırlıqqaldırma məkan və zalları ilə tanışlığı nəzərdə tutulub. Görüşlər zamanı ağırlıqqaldırma idman növündə elmi tərəqqinin tətbiqi, bilavasitə məşqçilərin, texniki rəsmilər və tibb personalının hazırlanması və təcrübələrinin artırılması, yarışların beynəlxalq səviyyədə təşkilinin təşviqi və digər məsələlər danışılacaq.
Beynəlxalq Ağırlıqqaldırma Federasiyasının prezidenti Bakıya gəlib, Fəxri Xiyabanı ziyarət edib
Beynəlxalq Ağırlıqqaldırma Federasiyasının (IWF) prezidenti Məhəmməd Calud Azərbaycan Ağırlıqqaldırma Federasiyasının (AAF) dəvəti ilə ölkəmizə səfərə gəlib. O, AAF-ın prezidenti Kamran Nəbizadə və vitse-prezidenti Firdovsi Umudovla birlikdə ilk olaraq Fəxri Xiyabana gedib. Burada ulu öndər Heydər Əliyevin məzarı ziyarət edilərək xatirəsi dərin ehtiramla yad edilib, abidəsi önünə gül dəstələri qoyulub.
Sonra onlar Şəhidlər Xiyabanına gedərək Vətənimizin azadlığı, müstəqilliyi uğrunda şəhid olmuş vətəndaşlarımızın məzarları üzərinə gül dəstələri qoyublar.
Kamran Nəbizadə TAF-ın prezidenti ilə görüşüb
Azərbaycan Ağırlıqqaldırma Federasiyasının (AAF) prezidenti Kamran Nəbizadə Türkiyənin paytaxtı Ankarada Türkiyə Ağırlıqqaldırma Federasiyasının (TAF) prezidenti Tələt Ünlü ilə görüşüb. Görüş zamanı federasiyalar arasında münasibətlərin sıxlaşdırılması və daha da inkişaf etdirilməsi, təcrübə mübadiləsinin davam etdirilməsi, dostluq və qardaşlıq əlaqələrinin möhkəmləndirilməsi, həmçinin digər məsələlər müzakirə edilib.
Sonda xatirə şəkli çəkdirilib.
Dadaş Dadaşbəyli Dünya Kubokunda 3 gümüş medal qazandı!
31 mart – 11 aprel tarixlərində Tailandın Phuket şəhərində keçirilən ağırlıqqaldırma üzrə Dünya Kuboku başa çatmaq üzrədir. Paris 2024 Olimpiya Oyunlarına lisenziya xarakterli son turnirdə 110 ölkədən 449 (228+231) atlet iştirak edir. Yarışa Azərbaycan yığma komandasının üzvləri də qatılıblar.
Bu gün onlardan sonuncusu – Dadaş Dadaşbəyli körpücük üzərinə qalxıb. O, 109 kq çəki dərəcəsində yarışıb.
Atletimiz birdən qaldırma hərəkətində 177 kq-ı ram edib və bu hərəkətdə gümüş medala sahib çıxıb.
O, təkanla qaldırma hərəkətində 211 kq-ın öhdəsindən gəlib və bu hərəkətdə də eyni uğura imza atıb.
Toplam 388 kq (177+211) nəticə gösərən Dadaşbəyli yekun sıralamada da 2-ci yeri tutub və yarışı 3 gümüş medalla başa vurub.
Təbrik edirik!
Federasiyamız Milli Olimpiya Komitəsinin xüsusi mükafatlarına layiq görülüb
Əli Şükürlü də Dünya Kubokunda çıxış etdi
Ömər Cavadov qüvvəsini sınadı
31 mart – 11 aprel tarixlərində Tailandın Phuket şəhərində keçirilən ağırlıqqaldırma üzrə Dünya Kuboku davam edir. Paris 2024 Olimpiya Oyunlarına lisenziya xarakterli son turnirdə 121 ölkədən 466 (235+231) atlet iştirak edir. Yarışa Azərbaycan yığma komandasının üzvləri də qatılıblar.
Bu gün onlardan daha biri – Ömər Cavadov körpücük üzərinə qalxıb. O, 73 kq çəki dərəcəsində yarışıb. Atletimiz toplam 328 kq (153+175) nəticə göstərib və 12-ci yeri tutub.
İsa Rüstəmov Dünya Kubokunda iştirak etdi
31 mart – 11 aprel tarixlərində Tailandın Phuket şəhərində keçirilən ağırlıqqaldırma üzrə Dünya Kuboku davam edir. Paris 2024 Olimpiya Oyunlarına lisenziya xarakterli son turnirdə 121 ölkədən 466 (235+231) atlet iştirak edir. Yarışa Azərbaycan yığma komandasının üzvləri də qatılıblar.
Bu gün onlardan biri – İsa Rüstəmov körpücük üzərinə qalxıb. O, 73 kq çəki dərəcəsində qüvvəsini sınayıb. Atletimiz toplam 320 kq (145+175) nəticə göstərib və 16-cı yeri tutub.