Qasım İsmayılov 79 kq çəki dərəcəsində toplamda 291 kq (126 kq+165 kq) nəticə ilə birinci olub.

Akif Abdullayev 88 kq çəki dərəcəsində toplamda 321 kq (146 kq+175 kq) nəticə ilə qızıl medala layiq görülüb.

Məmməd Əhmədzadə 94 kq çəki dərəcəsində toplamda 296 kq (135 kq + 165 kq) nəticə ilə qələbəni bayram edib.

Çəkisi 60 kq olan kişilərin yarışında Mirmöhsüm Tağızadə toplamda göstərdiyi 175 kq (76 kq + 99 kq) nəticə ilə birinciliyi bayram edib.

Musab Məmmədtağıyev 65 kq çəki dərəcəsində 256 kq (111 kq + 145 kq) nəticə ilə çempion olub.

Fuad Həsənov 71 kq çəki dərəcəsində 299 kq (141 kq + 158 kq) nəticə ilə fəxri kürsünün ilk pilləsinə qalxıb.

İlk yarış günü qadınların mübarizəsində VI İslam Həmrəyliyi Oyunlarının bürünc mükafatçısı Nuray Əbilova 53 kq çəki dərəcəsində qalib adını qazanıb. O iki hərəkətin cəmində 138 kq (60 kq+ 78 kq) nəticə göstərib.

Türkanə Eminova 58 kq çəki dərəcəsində göstərdiyi 120 kq (57 kq + 63 kq) nəticə ilə birinci olub.

Milena Hüseynli 63 kq çəki dərəcəsində 98 kq (43kq + 55 kq) göstərici ilə qalib adını qazanıb.

Arzu Qədimova 86 kq çəki dərəcəsində 141 kq (63 kq + 78 kq) göstərici ilə qızıl medala layiq görülüb.

Ələmgül Yusifzadə +86 kq çəki dərəcəsində 120 kq (50 kq + 70 kq) göstərici ilə qələbəni bayram edib.

Ölkə çempionatının açılış mərasimi Dövlət Himnimizin səsləndirilməsi ilə başlayıb. Daha sonra Azərbaycan Respublikasının ərazi bötüvlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Açılış mərasimində çıxış edən AAF-ın vitse-prezidenti Firdovsi Umudov federasiya rəhbərliyi adından yarış iştirakçılarını salamlayıb. Respublikamızda idmana və idmançılara dövlət səviyyəsində diqqət və qayğı göstərildiyini diqqətə çatdıran Firdovsi Umudov, ölkədaxili yarışların önəmindən danışıb. O qeyd edib ki, Olimpiya Təsnifat yarışları ərəfəsində AAF rəhbərliyi tərəfindən idmançıların hazırlığına xüsusi həssaslıqla yanaşılır.

İlk yarış günü qadınların mübarizəsində VI İslam Həmrəyliyi Oyunlarının bürünc mükafatçısı Nuray Əbilova 53 kq çəki dərəcəsində qalib adını qazanıb. O iki hərəkətin cəmində 138 kq (60 kq+ 78 kq) nəticə göstərib.

Türkanə Eminova 58 kq çəki dərəcəsində göstərdiyi 120 kq (57 kq + 63 kq) nəticə ilə birinci olub.

Milena Hüseynli 63 kq çəki dərəcəsində 98 kq (43kq + 55 kq) göstərici ilə qalib adını qazanıb.

Dadaş Dadaşbəyli: Əvvəla federasiyamızın prezidenti Kamran Nəbizadə və vitse-prezident Firdovsi Umudova minnətdarlığımı bildirmək istəyirəm. Çünki yaxşı hazırlıq keçmədən hansısa yarışda medal qazanmaq mümkün deyil. Zədəli olduğum müddətdə federasiya tərəfindən mənə xüsusi diqqət göstərildi və nəticə göz qabağındadır. Çalışacağıq ki bayrağımızı bundan sonrakı yarışlarda da dalğalandıraq.

Ravin Alməmmədov: Ardıcıl 2 yarışda iştirak etdik. Çətin olsa da öhdəsindən gələ bildim. Nəticələrimizi daha da yaxşılaşdırmalıyıq. Federasiya rəhbərliyinə, klub prezidentimiz və şəxsi məşqçimə təşəkkürümü bildirirəm. Addım-addım hədəflərimizə doğru gedəcəyik.

İsa Rüstəmov: İslam Oyunlarına yollananda qarşıya medal qazanmaq məqsədi qoyulmuşdu. Bəzən məşqdə göstərdiyin nəticəni yarışda təkrarlamaq olmur. Sadəcə daha çox işləmək lazımdır. Qələbəmi şəhidlərimizin əziz xatirəsinə həsr edirəm.

Nuray Əbilova: Mənə göstərilən etimadı doğrultduğum üçün sevincliyəm. Yarışdan-yarışa təcrübə yığmalıyam. İslam Oyunlarındakı nəticəmdən narazı deyiləm amma daha ağır çəkiləri qaldırmışam. İnanıram ki ardı gələcək.

Qeyd edək ki, ağırlıqqaldırma üzrə Azərbaycan yığma komandası İslam Həmrəyliyi Oyunlarında 11 medal qazanmaqla tarixi rekord müəyyənləşdirib.

Təbrik edirik !

Təbriklər Ravin!

Təbrik edirik !

Təbriklər Nuray!

Firdovsi Umudov: Həm Ravin Alməmmədov, həm də Tehran Məmmədov onlara bəslənən ümidləri doğrultdular. Bildiyiniz kimi Avropa birinciliyində gənclərin yarışında sonuncu dəfə 10 il əvvəl qızıl medal qazanmışdıq. Ravin bu uğuru təkrarlamaqla yanaşı, Avropa birinciliyinin rekordunu da müəyyənləşdirdi və bu federasiya olaraq doğru yolda olduğumuzun göstəricisidir. Yarış zamanı Ermənistan idmançısının fəxri kürsüdəki davranışlarına gəlincə. Bununla bağlı suallara da aydınlıq gətirmək istərdim. Əvvəla onu bildirim ki, biz hər zaman idmançılarımıza, xüsusən də gənclərə hər hansı təxribat xarakterli davranışlara uymamağı aşılayırıq. Erməni atletin mükafatlandırma mərasimində idmançı etikasına zidd hərəkətinin müqabilində biz soyuqqanlı davranış nümayiş etdirdik. Mükafatlandırma mərasimi bitən kimi yarışın təşkilat komitəsinə narazılığımızı bildirdik. Ədalət naminə deməliyik ki, mərasimdən sonra Ermənistan Ağırlıqqaldırma Federasiyası rəhbərlik səviyyəsində bizi təbrik etdi və baş vermiş hadisəyə görə üzrxahlığını ifadə etdi. Bununla belə Dövlət və onun rəmzlərinə münasibətdə səhv davranışa güzəşt edə bilmərik. Tərəfimizdən Avropa Ağırlıqqaldırma Federasiyasının rəhbərliyi və yarışın müvafiq komitəsinə baş vermiş hadisə ilə bağlı narazılığımızı əvvəlcə şifahi, daha sonra yazılı formada bildirdik. Azərbaycan Ağırlıqqaldırma Federasiyasının prezidenti Kamran Nəbizadə məsələyə dərhal reaksiya verdi və Avropa Ağırlıqqaldırma Federasiyası rəhbərliyinə rəsmi məktub ünvanlandı. İnanırıq ki, bu məsələyə münasibətdə ən ədalətli qərar veriləcək və oxşar hallar təkrarlanmayacaq. Bir daha qeyd etmək istəyirəm ki, bizim təmsil olunduğumuz heç bir yarışda Azərbaycanın adına, Dövlət rəmzlərinə xələl gətirilə bilməz. Azərbaycan və Ermənistan arasındakı bütün suallara 5 il öncə aydınlıq gəldi və biz indi sülhə doğru addımlayırıq. Fürsətdən istifadə edib qarşıdan gələn Zəfər Günü münasibətilə xalqımızı təbrik edirəm. Qoy bayrağımız hər zaman ucalarda dalğalansın.

Ravin Alməmmədov: İlk olaraq federasiya rəhbərliyinə və məşqçilərimə minnətdarlığımı bildirmək istəyirəm. Mənim qələbəmdə onların zəhməti böyükdür. Rəqibin kimliyi mənim üçün əhəmiyyət daşımır. Məqsədimiz qələbə qazanmaq idi və bunu bacardım. İnanıram ki rəqiblərim üçün müəyyənləşdirdiyim rekordu yeniləmək elə də asan olmayacaq.

Tehran Məmmədov: Bu yarışa çox ciddi hazırlaşmışdıq. Ötən Avropa birinciliyindəki səhvlərimizdən doğru nəticələr çıxardıq və vətənə medallarla qayıtdıq. Başa düşürük ki, daha çox çalışmaq lazımdır. Bu idman növündə daim inkişaf dinamikası olmalıdır. Rəqiblər də ciddi hazırlaşır, yerimizdə saya bilmərik. Çalışacam ki böyüklərin də yarışında fəxri kürsüdə yer alım.

Qeyd edək ki, ağırlıqqaldırma üzrə yığma komandamız Avropa birinciliyində ümumilikdə 2 qızıl, 3 gümüş və 1 bürünc medal qazanıb.