Kenan Mesteliyev – Azərbaycan Ağır Atletika Federasiyası

Elşən Məmmədov dünya birinciliyində çıxış etdi

Kenan Mesteliyev — Fri, 20 Sep 2024 13:25:55 +0000

19-27 sentyabr tarixlərində İspaniyanın Leon şəhərində keçirilən gənclər arasında ağırlıqqaldırma üzrə dünya birinciliyinə start verilib. Yarışda 67 ölkədən 367 (168 qadın + 199 kişi) idmançı iştirak edir. Birinciliyə Azərbaycan yığmasının üzvləri də qatılıb.

Bu gün onlardan biri – Elşən Məmmədov körpücük üzərinə qalxıb. O, 61 kq çəki dərəcəsinin B qrupunda çıxış edib. Atletimiz birdən qaldırma hərəkətində 115 kq-ı ram edib və bu hərəkətdə qrupu lider tamamlayıb. Ancaq idmançımız zədə səbəbindən yarışı davam etdirə bilməyib.

Atletlərimiz dünya birinciliyində iştirak edəcək

Kenan Mesteliyev — Tue, 17 Sep 2024 08:14:10 +0000

19-27 sentyabr tarixlərində İspaniyanın Leon şəhərində gənclər arasında ağırlıqqaldırma üzrə dünya birinciliyi keçiriləcək. Yarışda 60-a yaxın ölkədən 367 (168 qadın + 199 kişi) idmançı iştirak edəcək. Birinciliyə Azərbaycan yığmasının üzvləri də qatılacaq.

Heyət aşağıdakı kimidir: Elşən Məmmədov (61 kq), Ravin Alməmmədov (81 kq), Nurlan Məmmədzadə (89 kq).

Avropa Ağırlıqqaldırma Federasiyasının prezidentinin Bakı səfəri başa çatıb

Kenan Mesteliyev — Mon, 16 Sep 2024 16:08:22 +0000

Avropa Ağırlıqqaldırma Federasiyasının (EWF) prezidenti Antonio Konflitti Azərbaycan Ağırlıqqaldırma Federasiyasının (AAF) dəvəti ilə Bakıya səfərə gəlib. Onun gəlişində məqsəd qurumlar arasında münasibətlərin sıxlaşdırılması, dostluq, əməkdaşlıq və tərəfdaşlıq əlaqələrinin möhkəmləndirilməsi, həmçinin ölkəmizin ağırlıqqaldırma infrastrukturu ilə yaxından tanış olmaq, gələcəkdə beynəlxalq yarışların təşkili potensialını dəyərləndirməkdir.

Konflitti ilk 14-15 sentyabr tarixlərində Şüvəlanda keçirilən ağırlıqqaldırma üzrə Azərbaycan çempionatını canlı izləyib. O, yarışların açılış və veteran ağırlıqqaldıranların təltifat mərasimində iştirak edib. Sonra Konflitti Şüvəlan qəsəbəsində yerləşən Ağırlıqqaldırma Mərkəzi ilə yaxından tanış olub. Burada ona yarış və məşq zalları, dərs, təlim, istirahət və yataq otaqları göstərilib, idman qurğusunun bütün imkanları barədə geniş məlumat verilib. Bildirilib ki, burada mütəmadi olaraq ölkədaxili yarışlar təşkil olunur, yığma komandalar təlim-məşq toplanışları üçün məhz buranı seçirlər.

EWF prezidenti həmin gün Konflitti gənclər və idman naziri Fərid Qayıbovun qəbulunda olub. Qonağı salamlayan nazir ona ölkəmizdə idman sahəsində görülən işlər və qazanılan uğurlar barədə məlumat verib. Görüş zamanı ölkəmizdə ağırlıqqaldırma idman növünün inkişafı istiqamətində görülən işlər, Avropa Ağırlıqqaldırma Federasiyası ilə əməkdaşlıq perspektivləri və digər məsələlər müzakirə olunub. Görüşdə nazir müavini Mariana Vasileva, Azərbaycan Ağırlıqqaldırma Federasiyasının prezidenti Kamran Nəbizadə və vitse-prezidenti Firdovsi Umudov da iştirak ediblər.

Növbəti gün Antonio Konflitti ASK Arenada yerləşən ağırlıqqaldırma üzrə yığma komandaların dayaq bazasında yaradılan şəraitlə tanış olub. Ona məlumat verilib ki, burada dünyanın ən güclü yığmalarının təlim-məşq toplanışı keçmək üçün bütün imkanlar var, məkan yeni avadanlıqlarla təmin edilib. Ərazidəki mehmanxanada idmançı və məşqçi heyətinin qalma şəraiti də qonaq üçün nümayiş etdirilib. Məlumat verilib ki, burada təlim-məşq toplanışı, qidalanma, istirahət, bərpa üçün bütün şərait qurulub, fəal istifadə edilir. Daxili və beynəlxalq kurslar və seminarlar üçün konfrans zalı və digər köməkçi otaqlar, böyük və kiçik futbol meydançaları da idmançı və digər mütəxəssislərin ixtiyarına verilib.

EWF prezidenti gördüklərindən razı qaldığını bildirib, Azərbaycanda ağırlıqqaldırma idman növünün inkişafı üçün bütün lazımi şəraitin yaradıldığını qeyd edib.

Antoni Konflittinin səfəri sentyabrın 16-da başa çatıb.

Azərbaycan çempionatına Əli Şükürlünün əla performansı ilə yekun vuruldu

Kenan Mesteliyev — Sun, 15 Sep 2024 13:54:31 +0000

14-15 sentyabr tarixlərində Şüvəlan qəsəbəsində yerləşən Ağırlıqqaldırma Mərkəzinin yarış zalında keçirilən gənclər arasında Azərbaycan birinciliyi və böyüklər arasında ağırlıqqaldırma üzrə Azərbaycan çempionatına yekun vurulub. Azərbaycan Respublikasının Gənclər və İdman Nazirliyi və Azərbaycan Ağırlıqqaldırma Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayıb.

Yarışda körpücük üzərinə son olaraq 89, 96, 102, 109 və +109 kq çki dərəcələrində mübarizə aparan atletlər çıxıblar. Bu çəkilərdə böyüklər arasında müvafiq olaraq Ravin Alməmmədov, Nurlan Məmmədzadə, Mürsəl Quliyev, Əli Şükürlü və Dadaş Dadaşbəyli Azərbaycan çempionu adına layiq görülüblər.

Ravin Alməmmədov və Nurlan Məmmədzadə müvafiq olaraq 89 kq və 96 kq çəki dərəcələrində həmçinin gənclər arasında Azərbaycan birinciliyinin qalibi olublar.

Təbrik edirik!

89 kq

N	Adı	İl	Şəhər / Rayon	Təşkilatı	Bİrdən	Təkanla	Toplam
1.	Ravin Alməmmədov	2006	Qazax	Göyəzən AAK	125	160	285
2.	Vaqif Həsənov	2003	Gəncə	Bəhrə İK	120	146	266
3.	Səbuhi Şəmmədov	2002	Goranboy	UGİM	113	126	239
4.	Dilavər Süleymanov	2006	Bakı	Herkules İK	105	125	230
5.	Yaşar Qurbanov	2007	Bakı	Spartak KBTİC	85	120	205

96 kq

N	Adı	İl	Şəhər / Rayon	Təşkilatı	Birdən	Təkanla	Toplam
1.	Nurlan Məmmədzadə	2004	Qazax	Göyəzən AAK	122	155	277
2.	Sənan Quliyev	1995	Samux	Bəhrə İK	115	155	270
3.	Aslan Əmiraslanov	2009	Qazax	Göyəzən, UGİM	115	145	260
4.	Səxavət Babayev	1997	Şamaxı	Şamaxı	95	131	226

102 kq

N	Adı	İl	Şəhər / Rayon	Təşkilatı	Birdən	Təkanla	Toplam
1.	Mürsəl Quliyev	1994	Samux	Bəhrə İK	100	130	230

109 kq

N	Adı	İl	Şəhər / Rayon	Təşkilatı	Birdən	Təkanla	Toplam
1.	Əli Şükürlü	2003	Sumqayıt	Bəhrə İK	170	215	385

+109 kq

N	Adı	İl	Şəhər / Rayon	Təşkilatı	Birdən	Təkanla	Toplam
1.	Dadaş Dadaşbəyli	1996	Qobustan	Neftçi İK	135	175	320

İsa Rüstəmov və Ömər Cavadov rəqiblərini üstələdilər

Kenan Mesteliyev — Sun, 15 Sep 2024 12:31:05 +0000

14-15 sentyabr tarixlərində Şüvəlan qəsəbəsində yerləşən Ağırlıqqaldırma Mərkəzinin yarış zalında keçirilən gənclər arasında Azərbaycan birinciliyi və böyüklər arasında ağırlıqqaldırma üzrə Azərbaycan çempionatında ikinci yarış gününə start verilib. Azərbaycan Respublikasının Gənclər və İdman Nazirliyi və Azərbaycan Ağırlıqqaldırma Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayır.

Günə çəkisi 73 və 81 kq-a qədər olan atletlərin mübarizəsiylə başlanıb.

73 kq çəki dərəcəsində böyüklərdə toplam 312 kq (141+171) nəticə ilə İsa Rüstəmov fəxri kürsünün ən yüksək pilləsinə qalxıb. 289 kq (134+155) nəticə ilə Fuad Həsənov ikinci, 285 kq (127+158) nəticə ilə Qasım İsmayılov üçüncü olub.

Bu çəkidə gənclərdə Qasım İsmayılov qızıl, Mahmud Qədirov gümüş, Akif Abdullayev isə bürünc medal qazanıb.

81 kq çəki dərəcəsində böyüklərdə toplam 338 kq (158+180) nəticə ilə Ömər Cavadov qızıl, 320 kq (140+180) nəticə ilə Füqan Əliyev gümüş, 295 kq (130+165) nəticə ilə Nurlan Rəsulov bürünc medala layiq görülüb.

Bu çəkidə gənclərin yarışında Orxan Zöhrabzadə qalib, Nihat Vəliyev 2-ci, İlkin Məmmədzadə isə 3-cü yerin sahibi olub.

Kişilər. 73 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	İsa Rüstəmov	1999	Goranboy	Qartal İK	70.91	141	171	312
2.	Fuad Həsənov	2003	Lənkəran	–	69.74	134	155	289
3.	Qasım İsmayılov	2005	Qazax	Göyəzən AAK	72.35	127	158	285
4.	Paşa İbrahimli	1995	Lənkəran	Zirvə İK	73.00	131	150	281
5.	Mahmud Qədirov	2006	Samux	Bəhrə İK	73.00	128	150	278
6.	Akif Abdullayev	2007	Abşeron	Zirvə İK	72.61	125	143	268
7.	Ruslan Həsənov	2000	Gəncə	Bəhrə İK	71.73	108	135	243
8.	Məhəmməd Həsənov	2006	Gəncə	UGİŞM-2 / Təhsil RİM	73.0	90	112	202
9.	Firudin Cəfərov	2008	Sumqayıt	İOEUGİŞM-1 / Təhsil RİM	71.45	88	103	191
10.	Murad Əliyev	2003	Sumqayıt	Olimp-77 İK	72.52	0	–	–

Kişilər. 81 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Ömər Cavadov	2002	Abşeron	Bəhrə İK	80.40	158	180	338
2.	Fuqan Əliyev	2001	Lerik	Relaks-Lerik İK	80.61	140	180	320
3.	Nurlan Rəsulov	2002	Abşeron	Zirvə İK	81.0	130	165	295
4.	Orxan Zöhrabzadə	2005	Bakı	İOEUGİM-5 / Təhsil RİM	80.80	131	161	292
5.	Nihat Vəliyev	2006	Gəncə	UGİŞM-1 / Təhsil RİM	77.90	117	145	262
6.	İlkin Məmmədzadə	2007	Bakı	İOEUGİM-5 / Təhsil RİM	81.0	103	130	233

Tehran Məmmədov qələbə qazandı

Kenan Mesteliyev — Sat, 14 Sep 2024 18:05:48 +0000

14-15 sentyabr tarixlərində Şüvəlan qəsəbəsində yerləşən Ağırlıqqaldırma Mərkəzinin yarış zalında keçirilən gənclər arasında Azərbaycan birinciliyi və böyüklər arasında ağırlıqqaldırma üzrə Azərbaycan çempionatında ilk yarış günü başa çatıb. Körpücük üzərinə son olaraq çəkisi 67 kq-a qədər olan atletlər çıxıb.

Böyüklərdə toplam 290 kq (130+160) nəticə göstərən Tehran Məmmədov rəqiblərini böyük üstünlüklə arxada qoyub. Toplam 230 kq (103+127) nəticə ilə Yunis Bayramov 2-ci, 182 kq (82+100) nəticə ilə Qurban Abdullayev 3-cü yeri tutub.

Gənclərdə isə Yunis Bayramov qalib, Qurban Abdullayev 2-ci, toplam 179 kq (80+99) Vüqar Səlimov 3-cü yeri tutub.

Kişilər. 67 kq

N	Adı	İl	Şəhər / Rayon	Təşkilatı	Çəkisi	Təkanla	Birdən	Toplam
1.	Tehran Məmmədov	2002	Qobustan	Bəhrə İK	67.00	130	160	290
2.	Yunis Bayramov	2008	Sumqayıt	İOEUGİŞM-1 / Təhsil RİM	66.95	103	127	230
3.	Qurban Abdullayev	2007	Yevlax	UGİM	66.80	82	100	182
4.	Vüqar Səlimov	2009	Neftçala	Herkules İK	63,75	80	99	179
5.	Ümid Nağıyev	2007	Bakı	İOEUGİM-5 / Təhsil RİM	63.00	80	95	175
6.	Mustafa Həsənov	2009	Yevlax	UGİM	63.10	78	96	174
7.	Amin Məmmədtağıyev	2009	Qazax	UGİM	66.55	81	90	171
8.	Yusif Məmmədov	2009	Gəncə	UGİŞM-1 / Təhsil RİM	62.14	77	94	171

Dəniz Cabbarlı fəxri kürsünün ən yüksək pilləsində

Kenan Mesteliyev — Sat, 14 Sep 2024 16:55:38 +0000

Körpücüyə bu dəfə çəkisi 61 kq-a qədər olan kişilər çıxıblar. Dəniz Cabbarlı toplam 245 kq (115+130) nəticə ilə bütün rəqiblərini üstələyib. Toplam 215 kq (100+115) nəticə ilə Murad Həsənli 2-ci, toplam 173 kq (78+95) nəticə ilə Amil İsgəndərov 3-cü olub. Hər 3 idmançı həm gənclərdə, həm də böyüklərin yarışında eyni pillədə qərarlaşıblar.

Kişilər. 61 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Dəniz Cabbarlı	2006	Lənkəran	UGİM	60.92	115	130	245
2.	Murad Həsənli	2008	Yevlax	UGİM	59.84	100	115	215
3.	Amil İsgəndərov	2008	Yevlax	UGİM	60.25	78	95	173
4.	Ömər Rzayev	2008	Gəncə	UGİŞM-1 / Təhsil RİM	60.23	79	93	172
5.	Eldar Eminov	2007	Şamaxı	Şamaxı	60.75	75	85	160

Amin Osmanov çempion oldu

Kenan Mesteliyev — Sat, 14 Sep 2024 15:05:15 +0000

14-15 sentyabr tarixlərində Şüvəlan qəsəbəsində yerləşən Ağırlıqqaldırma Mərkəzinin yarış zalında keçirilən gənclər arasında Azərbaycan birinciliyi və böyüklər arasında ağırlıqqaldırma üzrə Azərbaycan çempionatına start verilib. Azərbaycan Respublikasının Gənclər və İdman Nazirliyi və Azərbaycan Ağırlıqqaldırma Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayacaq.

Kişilər arasında körpücük üzərinə ilk olaraq çəkisi 55 kq olan atletlər çıxıblar. Toplam 207 kq (100+107) nəticə ilə “Göyəzən” klubu təmsilçisi Amin Osmanov həm gənclərdə, həm də böyüklərdə qızıl medala sahib çıxıb. Toplam 170 kq (80+90) nəticə ilə Orxan İmanov gümüş, toplam 164 kq (72+92) nəticə ilə Əmrah Osmanov bürünc medal əldə ediblər.

Kişilər. 55 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Amin Osmanov	2006	Qazax	Göyəzən AAK, UGİM	55.0	100	107	207
2.	Orxan İmanov	2007	Lerik	UGİŞM / Təhsil RİM	54.8	80	90	170
3.	Əmrah Osmanov	2005	Qazax	Göyəzən AAK	55.0	72	92	164
4.	Nihat Zairov	2006	Bakı	RİOEUGİM-1 / Təhsil RİM	49.3	73	85	158
5.	Aysim Əliyev	2007	Goranboy	UGİM	53.7	68	88	156
6.	Kənan Kərimov	2007	Goranboy	UGİM	55.0	70	85	155
7.	Rəhman Mərdəliyev	2009	Qazax	UGİM	53.1	64	85	149
8.	Ülvi İsmayılov	2007	Gəncə	UGİŞM-2 / Təhsil RİM	54.8	64	78	142
9.	İlkin Xatınov	2008	Qazax	UGİM	54.2	63	75	138
10.	Nicat Zairov	2006	Bakı	RİOEUGİM-1 / Təhsil RİM	49.7	58	72	130
11.	Arzuman Abdullazadə	1999	Şəki	Dəmir Yumruq İK	53.7	55	70	125
12.	Nihad Nuraliyev	2009	Neftçala	UGİM	53.8	55	–	–

Azərbaycan çempionatında qızların mübarizəsi başa çatıb

Kenan Mesteliyev — Sat, 14 Sep 2024 13:49:11 +0000

14-15 sentyabr tarixlərində Şüvəlan qəsəbəsində yerləşən Ağırlıqqaldırma Mərkəzinin yarış zalında keçirilən gənclər arasında Azərbaycan birinciliyi və böyüklər arasında ağırlıqqaldırma üzrə Azərbaycan çempionatına start verilib. Azərbaycan Respublikasının Gənclər və İdman Nazirliyi və Azərbaycan Ağırlıqqaldırma Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayacaq.

Körpücüyə ilk olaraq qadınlar çıxıblar. Onlar həm gənclərdə, həm də böyüklərdə qalibləri müəyyən ediblər. Samirə Rzayeva (45 kq), Aydan Rzayeva (49 kq), Selcan Qarayeva (55 kq), Lalə Əzizli (59 kq), Fazilə İmanova (64 kq), Nigar Əliyeva (71 kq), Arzu Qədimova (76 kq), Rahilə Hüseynzadə (81 kq), Mələk Hüseynli (87 kq)

Samirə Rzayeva (45 kq), Aydan Rzayeva (49 kq), Selcan Qarayeva (55 kq), Fazilə İmanova (64 kq), Nigar Əliyeva (71 kq), Arzu Qədimova (76 kq), Rahilə Hüseynzadə (81 kq) və Mələk Hüseynli (87 kq) həm gənclər, həm də böyüklər arasında, Lalə Əzizli (59 kq) yalnız böyüklərdə, Milena Hüseynli (59 kq) yalnız gənclərdə Azərbaycanın ən yaxşısı adlarını qazanıblar.

Çempionatın təşkilində məqsəd ağırlıqqaldırma idman növünün şəhər, rayon, qəsəbə və kəndlərdə təbliği və inkişafına dəstək verilməsi, idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.

Qadınlar. 45 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Samirə Rzayeva	2006	Qazax	UGİM	41.0	33	45	78
2.	Elay Əliyeva	2009	Qazax	UGİM	45.0	27	35	62

Qadınlar. 49 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Aydan Rzayeva	2008	Qazax	UGİM	47.49	46	56	102
2.	Türkanə Qənbərzadə	2007	Lənkəran	UGİM	48.9	45	50	95
3.	Jalə Əbilova	2009	Qazax	UGİM	47.1	37	50	87

Qadınlar. 55 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Selcan Qarayeva	2005	İsmayıllı	Girdiman AAK	54.44	63	87	150
2.	Ravilya Abbasova	2007	Qazax	UGİM	53.42	39	47	86

Qadınlar. 59 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Lalə Əzizli	1993	Bakı	Herkules İK	57.0	53	71	124
2.	Milena Hüseynli	2009	Sumqayıt	İO-1-Təhsil	56.8	48	58	106
3.	Türkanə Eminova	2005	Şamaxı	Şamaxı	57.0	46	56	102
4.	Əsmət Ələsgərova	2008	Balakən	BAF İK	58.0	30	40	70

Qadınlar. 64 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Fazilə İmanova	2004	Neftçala	Herkules İK	62.5	70	75	145
2.	Dinara İbrahimli	2001	Gəncə	Bəhrə İK	63.6	0	–	–

Qadınlar. 71 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Çinara İbrahimli	2003	Gəncə	Bəhrə İK	70.6	0	–	–
2.	Nigar Əliyeva	2006	Bakı	İOEUGİŞM-1-Təhsil	69.6	40	50	90

Qadınlar. 76 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Arzu Qədimova	2009	Sumqayıt	İOEUGİŞM-1-Təhsil	76.0	62	78	140

Qadınlar. 81 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Rahilə Hüseynzadə	2005	Lənkəran	Neftçi İK	80.0	90	110	200

Qadınlar. 87 kq

N	Adı	İl	Şəhər / Rayon	Təşkilatı	Çəkisi	Birdən	Təkanla	Toplam
1.	Mələk Hüseynli	2008	İsmayıllı	Girdiman AAK	86.5	53	63	116
2.	Ələmgül Yusifzadə	2003	Şəki	Dəmir Yumruq İK	86.8	37	55	92

Azərbaycan çempionatının açılış mərasimi keçirilib

Kenan Mesteliyev — Sat, 14 Sep 2024 13:40:24 +0000

14-15 sentyabr tarixlərində Şüvəlan qəsəbəsində yerləşən Ağırlıqqaldırma Mərkəzinin yarış zalında keçirilən gənclər arasında Azərbaycan birinciliyi və böyüklər arasında ağırlıqqaldırma üzrə Azərbaycan çempionatının açılış mərasimi olub. Azərbaycan Respublikasının Gənclər və İdman Nazirliyi və Azərbaycan Ağırlıqqaldırma Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayır.

Mərasimdə ilk olaraq Azərbaycan Ağırlıqqaldırma Federasiyasının vitse-prezidenti Firdovsi Umudov çıxış edib. O, yarış iştirakçıları və qonaqları salamlayıb, onlara təşəkkür edib, idmançılara uğurlar arzulayıb. Umudov Azərbaycanda idmana böyük diqqət və qayğı göstərildiyini, federasiya olaraq bunu çox hiss etdiklərini, istər daxili, istərsə də beynəlxalq yarışlar üçün böyük stimul olduğunu qeyd edib. Vitse-prezident Azərbaycan ağırlıqqaldırmasının böyük potensiala malik olduğunu, beynəlxalq arenalarda qazanılan uğurların buna sübut olduğunu bildirib. Ölkəmizdə beynəlxalq yarışların keçirilməsi üçün lazımi təcrübə və şərait malik olmağımız və qısa zamanda qitə miqyaslı turnirləri təşkil etməyə hazır olduğu vurğulanıb.

Firdovsi Umudov bu yarışdan etibarən Azərbaycan çempionat və birincilikləri üçün xüsusi mükafat fondu təyin edildiyini, idmançı və məşqçiləri həvəsləndirilməsi, eyni zamanda rəqabətin artırılması məqsədilə bu təcrübəni həyata keçiriləcəyini bildirib. Belə ki, gənclər arasında Azərbaycan birinciliyində komanda hesabında qalib gələn kollektivə 5 min manat, 2-ci olan komandaya 3 min manat, 3-cü olan komandaya isə 1 min manat veriləcək. Böyüklər arasında komanda hesabında ən yaxşı olan kollektiv 10 min, 2-ci olan komanda 5 min, 3-cü olan komanda isə 3 min manat mükafat alacaq.

Umudov hazırda Azərbaycanda səfərdə olan və yarışı tribunadan izləyən Avropa Ağırlıqqaldırma Federasiyasının prezidenti Antonio Konflittini də salamlayıb, ona gəldiyi üçün təşəkkür edib.

Sonra Azərbaycan Respublikasının Dövlət Himni səslənib.

Sonda Azərbaycan ağırlıqqaldırmasının inkişafın xüsusi rolları olmuş şəxslərin yubileyləri məqsədilə təltifat mərasimi təşkil edilib. Sabiq ağırlıqqaldıran Akif Alıyev və əməkdar məşqçi Vahid Nəzərov 65, Beynəlxalq dərəcəli hakim Namiq Nəcəfov 70, AAF-ın sabiq prezidenti Şüa Hüseynova isə 85 yaşı münasibətilə plaketlər və xüsusi, qiymətli hədiyyələr təqdim edilib. Mərasimdə AAF-ın prezidenti Kamran Nəbizadə və Avropa Ağırlıqqaldırma Federasiyasının prezidenti Antonio Konflitti iştirak ediblər.