AAAF AZ – Azərbaycan Ağır Atletika Federasiyası

Qasımov Rüstəm B qrupunda 3-cü oldu

AAAF AZ — Thu, 20 Oct 2016 10:08:51 +0000

19-25 oktyabr tarixlərində Malayziyanın Penanq şəhərində Yeniyetmələr arasında ağır atletika üzrə 6-cı dünya birinciliyi keçiriləcək. Yarışda yüzdən çox ölkədən 370 atlet (155 qadın, 215 kişi) mübarizə aparacaq. Birincilikdə Azərbaycan yığmasının üzvləri də körpücük üzərinə çıxacaqlar.
Artıq ilk təmsilçimiz mübarizəyə qoşulub. Sentyabrın 9-17-də Polşanın Novı Tomısl şəhərində yaşı 15 və 17-yə qədər olan yeniyetmə qızlar və oğlanlar atletlər arasında Avropa birinciliyində bürünc medala sahib çıxan Rüstəm Qasımov 50 kq çəki dərəcəsinin B qrupunda yarışıb. “Lənkəran-Zirvə” təmsilçisi birdən qaldırma hərəkətində 76 kq, təkanla qaldırma hərəkətində isə 92 kq-ı ram edib. Toplam 168 kq (76+92) nəticə ilə Rüstəm bu qrupda 3-cü, yekun sıralamada isə 13-cü yeri tutub.

The requested album cannot be loaded at this time. Error: OAuthException Code: 200, (#200) Missing Permissions

Yığmamız dünya birinciliyinə yollanır

AAAF AZ — Mon, 17 Oct 2016 10:02:12 +0000

Komandamızın hər bir üzvünə uğurlar arzulayırıq.

Tomaş Ayan AAAF Parkın qonağı oldu

AAAF AZ — Tue, 04 Oct 2016 09:52:37 +0000

Beynəlxalq Ağır Atletika Federasiyasının (IWF) prezidenti Tomaş Ayan, Azərbaycan Ağır Atletika Federasiyasının prezidenti Cahangir Əsgərov və vitse-prezidenti Azər Əliyev AAAF Park Yaşayış Kompleksinin qonağı olublar. Onlar burada ağır atletlər üçün yaradılan yüksək səviyyəli şəraitlə tanış olmaq üçün ərazini gəziblər. Qonaqlar ilk olaraq Kompleksin park hissəsi ilə tanış olublar. Onlar buradakı yaşıllıq, təmizlik və səliqəni təqdir edib, istirahət üçün münasib yerlərin çoxluğunu fərqləndiriblər. AAAF Park Yaşayış Kompleksinin təsisçisi və Azərbaycanın ağır atletika yığmasının baş məşqçisi Tofiq Heydərov, həmçinin federasiyanın vitse-prezidenti Ruslan Xanverdiyev qonaqları müşayiət edərək ölkəmizdə idmana olan diqqət və qayğının nəticəsində belə imkanların yaradıldığını, atletlərin bu şansdan yararlana bildiyini qeyd ediblər. Daha sonra qonaqlar idman təmayüllü “Zirvə Liseyi”nə baş çəkiblər. Öncə ümummilli lider Heydər Əliyevin heykəli önünə çiçək qoyub, ona olan sayğı və hörmətlərini nümayiş etdiriblər. Liseydə müasir standartlara cavab verən kimya, fizika, biologiya laboratoriyaları, kompüter otaqları, hərbi və metodbirləşmə kabinetləri, gimnastika və cüdo, trenajor və ağırlıqqaldırma zalları, futbol meydançaları və tennis kortunun fəaliyyəti nümayiş etdirilib, bütün bunların gənc ağır atletlərin yüksək səviyyəli təhsil alması üçün edildiyi vurğulanıb. AAAF Parkda 50-yə yaxın perspektivli ağırlıqqaldıranın həm oxumaq, həm də məşq etmək üçün maksimum imkan yaradıldığı, onlara ən yüksək ixtisaslı müəllim və məşqçilərin dərs keçdikləri qeyd edilib. Tomaş Ayan gördüklərindən xeyli razı qalıb. O bildirib ki, buradakı ideal şəraitin Azərbaycanda gənc nəslin sağlam yetişməsində böyük rolu var və bu şansı əldə edən hər bir məktəbli üçün sevinir, onlara uğurlar arzulayır. Tomaş Ayan ölkəmizin dövlət səviyyəsində qayğısının başqalarına nümunə olduğunu, bunu hər dəfə bura səfəri zamanı əyani şəkildə şahidi olduğunu bildirib. Liseyin foyesində Heydər Əliyevin büstün önündə xatirə şəkli çəkdirəndən sonra IWF prezidenti böyük təəssüratlar əldə etdiyini, Azərbaycanın və onun idmanın gələcəyinin parlaq olduğunu deyib. Qonaqlar Uşaq-İdman Akademiyası, cüdo və gimnastika zallarının, Kompleksdəki digər idman və iaşə obyektlərinin fəaliyyəti ilə tanış olublar. Bütün müasir standartlara cavab verən, ən yeni avadanlıqlar təchiz olunmuş fitness mərkəzində idmançıların təlimlərlə məşğul olmaq imkanlarının yaradıldığı bildirilib. Ağır atletika yığmamızın məşq zalı isə xüsusi maraq doğurub. Burada hər bir atlet üçün fərdi ştanq, körpücük, fərdi məşqçi, üstəlik, özəl otaqlarda istirahət imkanlarının yaradılması müsbət mənada təəccübə səbəb olub, belə şəraitə dünyanın nadir yerlərində rast gəlindiyi vurğulanıb. Tamaş Ayan, Cahangir Əsgərov və Azər Əliyev məşqçi və idmançılarla görüşərək onlara uğurar arzulayıb, təmiz mübarizə şəraitində əldə etdikləri uğurlara sevindiklərini dilə gətiriblər. Zalın yerləşdiyi təlim-məşq bazasındakı taxta kotteclər və otellərin yalnız və yalnız idmançılar üçün ayrıldığı, onların məşqlərdən sonra tam bərpa prosesi keçməsi üçün bütün mümkün detalların nəzərə alındığı haqda məlumat verilib. Tofiq Heydərov AAAF Parkın bir Olimpiya çempionunun ən kiçik yaşdan yetişdirilməsi, zirvəyə yüksəldilməsi üçün lazım olan hər şeyə malik olduğunu deyib. Qonaqlara bildirilib ki, AAAF Park Yaşayış Kompleksi ağır atletlərin mənzil problemini də həll edir. Beynəlxalq yarışlarda medallar qazanan atletlərimizin hər birinə və onun məşqçisinə pul mükafatları ilə yanaşı ev verildiyi, bir müddətdən sonra elə burada işlə təmin olunduğu bildirilib. Qonaqlar bir daha gördüklərindən razılığını dilə gətirib, bu bənzərsiz məkanın Azərbaycan idmanı, xüsusilə də ağır atletikanın inkişafında müstəsna rol oynayacağına əminliklərini qeyd ediblər.

Yeniyetmələrimiz Polşaya yollanıb

AAAF AZ — Fri, 09 Sep 2016 09:41:28 +0000

Sentyabrın 9-17-də Polşanın Novı Tomısl şəhərində yaşı 15 və 17-yə qədər olan yeniyetmə qızlar və oğlanlar atletlər arasında Avropa birinciliyi keçiriləcək. Yarışda Azərbaycan yığma komandasının üzvləri də iştirak edəcəklər.
Səfərə çıxan heyətimiz aşağıdakı kimidir:
Qızlar: Rzazadə Lalə, Hüseynzadə Fidan, Əzimova Səbinə, Nəzərli Gülbəniz, Abdurəhmanova Fidan.
Oğlanlar: Məmmədov İsmayıl, Ağalarov Kamran, Qasımov Rüstəm, Hüseynov Elməddin, Əliyev Fuqan, Babayev Tərmenxan, Alxasov Əlimərdan, Rüstəmov İsa, Muxtarlı Novruz.

İordaniyada 2 qızıl və 5 gümüş medal qazanan yığmamız vətənə qayıtdı

AAAF AZ — Thu, 08 Sep 2016 17:46:24 +0000

Qadınlarımızdan Mərziyyə Məhərrəmova 48 kq çəki dərəcəsində qızıl, Anastasiya İbrahimli isə 69 kq çəki dərəcəsində gümüş medala sahib çıxıb.

Kişilərdən Rövşən Fətullayev 94 kq çəki dərəcəsində qızıl, eyni çəkidə Nailxan Nəbiyev gümüş medal əldə edib. Bununla yanaşı, Allahyar Abışov 62 kq, Əfqan Bayramov 77 kq, Azər Məmmədli isə +105 kq çəki dərəcəsində fəxri kürsünün ikinci pilləsinə qalxıblar. Sentyabrın 9-da milli komanda tam heyətlə vətənə qayıdıb. Onları Heydər Əliyev adına Beynəlxalq Hava Limanında çoxsaylı azarkeşlər, həmçinin ölkə KİV-lərinin nümayəndələri qarşılayıblar. Məşqçilər və idmançılarımıza gül dəstəsi və çələnglər təqdim olunub. Onlar yarış təəssüratları, qələbə sevincləri televiziyalarla bölüşüblər. Sonda xatirə şəkli çəkilib.

Bu uğurlu çıxış münasibətilə bütün ağır atletika ailəsini, həmçinin ölkə idmansevərlərini təbrik edir, bundan sonra da belə qələbələrə sevinməyimizi arzulayırıq!

Ceyhun Tağızadə də mübarizəyə qoşuldu

AAAF AZ — Thu, 08 Sep 2016 09:22:56 +0000

İordaniyanın paytaxtı Amman şəhərində keçirilən İslam Həmrəyliyi İdman Federasiyasının 4-cü ağır atletika çempionatı başa çatmaq üzrədir. 2-8 sentyabr 2016-cı il tarixlərində davam edəcək yarışda Azərbaycan ağır atletika yığmasının üzvləri ilə də çıxış edirlər. Dünən kişilər arasında 85 kq çəki dərəcəsində Ceyhun Tağızadə mübarizə aparıb.
“Lənkəran-Zirvə” təmsilçisi birdən qaldırma hərəkətində 140 kq, təkanla qaldırma hərəkətində isə 175 kq çəkinin öhdəsindən gəlib. Toplam 315 kq (140+175) nəticə göstərən atletimiz yekun sıralamada 5-ci yeri tutub.

Azər Məmmədli İordaniyadan gümüş medalla qayıdır!

AAAF AZ — Thu, 08 Sep 2016 09:05:53 +0000

İordaniyanın paytaxtı Amman şəhərində keçirilən İslam Həmrəyliyi İdman Federasiyasının 4-cü ağır atletika çempionatı başa çatıb. Yarışların son günündə Azərbaycan ağır atletika yığmasının daha bir üzvü – Azər Məmmədli körpücük üzərinə çıxıb. “Lənkəran-Zirvə” atleti +105 kq çəki dərəcəsində mübarizə aparıb.
Azər birdən qaldırma hərəkətində 148 kq, təkanla qaldırma hərəkətində isə 185 kq-ı ram edib.
2012-ci il yeniyetmələr arasında dünya birinicliyinin gümüş mükafatçısı olmuş Məmmədli uzunmüddətli zədədən uğurlar geri dönüb. O, toplam 333 kq (148+185) nəticə ilə İordaniyada da gümüş medala sahib çıxıb.
Azəri, məşqçilərini və uğurda əməyi olan hər kəsi təbrik edir, növbəti yarışlarda da fəxri kürsüdə, onun yüksək pilləsində yer almağı arzulayırıq!
Əhsən, Azər!

Daha 1 qızıl və 2 gümüş medal qazandıq

AAAF AZ — Wed, 07 Sep 2016 08:59:36 +0000

Gənc atletimizi Kənan Əliquliyev birdən qaldırma hərəkətində 120 kq, təkanla qaldırmada isə 150 kq-ın öhdəsindən gəlib. Toplam 270 kq (120+150) nəticə göstərən “Lənkəran-Zirvə” təmsilçisi yarışı 7-ci yerdə başa vurub.

Təcrübəli Əfqan Bayramov isə daha yaxşı çıxış edib. “Bakı-Təhsil İdman Mərkəzi”nin atleti birdən qaldırmada 125 kq, təkanla qaldırma hərəkətində isə 171 kq-ı başı üzərinə qaldıra bilib. Toplam 296 kq (125+171) nəticə ilə millimizin üzvü gümüş medala sahib çıxaraq, fəxri kürsününün ikinci pilləsinə qalxıb.

85 kq çəki dərəcəsində Ceyhun Tağızadə mübarizə aparıb. “Lənkəran-Zirvə” təmsilçisi birdən qaldırma hərəkətində 140 kq, təkanla qaldırma hərəkətində isə 175 kq çəkinin öhdəsindən gəlib. Toplam 315 kq (140+175) nəticə göstərən atletimiz yekun sıralamada 5-ci yeri tutub. 94 kq çəki dərəcəsində Rövşən Fətullayev və Nailxan Nəbiyev mübarizəyə qoşulub və uğurlu nəticə əldə ediblər. Sevindiricidir ki, qızıl medal uğrunda mübarizə iki Azərbaycan atleti arasında gedib. Nailxan Nəbiyev birdən qaldırma hərəkətində 147 kq, təkanla qaldırma hərəkətində isə 191 kq-ı ram edib. O, toplam 338 kq (147+191) nəticə ilə fəxri kürsünün ikinci pilləsinə qalxıb.

Rövşən Fətullayev isə birdən qaldırma hərəkətində 155 kq-ı başı üzərinə qaldırıb. Altetimizi təkanla qaldırmada 200 kq-a güc gəlib. Toplam 355 kq (155+200) nəticə göstərən Fətullayev bütün rəqiblərini üstələyərək qızıl medala sahib çıxıb.

Atletlərimizi, onların məşqçilərini, həmçinin qələbədə əməyi keçən hər kəsi təbrik edir, gələcək yarışlarda da səslərinin zirvələrdən gəlməsini arzulayırıq! Əhsən, uşaqlar!

Allahyar Abışov gümüş medalçıdır!

AAAF AZ — Tue, 06 Sep 2016 08:53:59 +0000

2-8 sentyabr 2016-cı il tarixlərində İordaniyanın paytaxtı Amman şəhərində İslam Həmrəyliyi İdman Federasiyasının 4-cü ağır atletika çempionatı keçiriləcək. Yarışda Azərbaycan ağır atletika yığmasının üzvləri ilə də çıxış edirlər. İkinci yarış günündə iki kişi atletimiz mübarizə qoşulub. Allahyar Abışov və Məhəmməd Məmmədli 62 kq çəki dərəcəsində yarışıblar.

“İsmayıllı-Zirvə” atleti, yeniyetmeler arasında Avropa birinciliyinin qalibi Məhəmməd Məmmədli birdən qaldırma hərəkətində 110 kq, təkanla qaldırma hərəkətində isə 135 kq çəkinin öhdəsindən gəlib. O, toplam 245 kq (110+135) nəticə göstərərək yekun sıralamada 6-cı yeri tutub.

Eyni çəkidə “Bakı-Təhsil İdman Mərkəzi”nin yetirməsi, Avropa birinciliyinin mükafatçısı Allahyar Abışov da körpücük üzərinə çıxıb. O, birdən qaldırma hərəkətində 118 kq, təkanla qaldırma hərəkətində 144 kq-ı ram edib.

Abışov toplam 262 kq (118+144) nəticə göstərib və bununla fəxri kürsünün ikinci pilləsinə qalxıb.

Gümüş medal qazanması münasibətilə Allahyarı, onun məşqçiləri və qəbələsində əməyi keçən hər kəsi təbrik edir, böyük uğurlar arzulayırıq!

Milli komandamız ilk yarış günündə iki medal qazandı

AAAF AZ — Tue, 06 Sep 2016 08:44:53 +0000

2-8 sentyabr 2016-cı il tarixlərində İordaniyanın paytaxtı Amman şəhərində İslam Həmrəyliyi İdman Federasiyasının 4-cü ağır atletika çempionatı keçiriləcək. Yarışda Azərbaycan ağır atletika yığmasının üzvləri ilə də çıxış edirlər. İlk yarış günündə 4 qadın atletimiz mübarizə qoşulub. İlk olaraq Mərziyyə Məhərəmova 48 kq çəki dərəcəsində mübarizəyə qoşulub.

Atlet birdən qaldırma hərəkətində 66 kq çəkinin öhdəsindən gəlib və türkiyəli rəqibi, Aropa çempionu Şaziye Erdoğandan sonra ikinci olub. Əvəzində Məhərrəmova təkanla qaldırma hərəkətində 82 kq nəticə edib və rəqibini məhz 2 kq üstələyib, bu hərəkətdə qalib olub. Atletimiz toplam 148 kq (66+82) nəticə ilə yekun sıralamada da qızıl medala sahib çıxıb və fəxri kürsünün ən yüksək pilləsinə qalxıb. 63 kq çəki dərəcəsində Elnarə Abbasova körpücük üzərinə çıxıb. O, birdən qaldırma hərəkətində 75 kq, təkanla qaldırma hərəkətində isə 99 kq-ı ram edib. Toplam 174 kq (75+99) nticə göstərən atletimiz bu çəkidə 5-ci yeri tutub.

Bu çəkidə daha bir atlet – Firuzə İbrahimli yarışıb. O, birdən qaldırma hərəkətində 70 kq, təkanla qaldırma hərəkətində isə 90 kq-ı ram edib. Toplam 160 kq (70+90) nəticə göstərən atletimiz bu çəkidə 11-ci yeri tutub və karyerasında ilk dəfə idman ustası normasını doldurub. Son olaraq 69 kq çəki dərəcəsində Anastasiya İbrahimli mübarizə aparıb.

Atletimiz birdən qaldırma hərəkətində 90 kq, təkanla qaldırma hərəkətində 118 kq-ı ram edib. İbrahimli hər iki hərəkətdə 2-ci yeri tutub. Anastasiya toplam 208 kq (90+118) nəticə göstərərək yekun sıralamada gümüş medala sahib çıxıb. Fəxri kürsünün ikinci pilləsində yer alan İbrahimli, millimizin bayrağını qaldırıb. Beləliklə, Azərbaycan milli komandası günü iki – bir qızıl və bir gümüş medalla başa vurub. Qalibləri, onların məşqçiləri və uğurda əməyi keçən hər kəsi təbrik edirik!